Language switcher

Social

 

Врз основа на член 69 од Законот за животната средина („Службен весник на Република Македонија“ бр. 53/05, 81/05, 24/07, 159/08, 83/09, 48/10, 124/10, 51/11, 123/12, 93/13, 187/13 и 42/14) и Уредбата за учество на јавноста во текот на изработка на прописи и други акти, како и планови и програми од областа на животната средина („Службен весник на Република Македонија“ бр. 147/08 и 45/11),  Меѓуопштинскиот одбор за управување со отпад во Источниот плански регион организира

ЈАВНА РАСПРАВА

по Нацрт Извештајот за стратегиска оцена на животната средина од спроведување на Регионалниот план за управување со отпад за Источниот плански регион (нацрт)

Се известува засегнатата јавност, а особено јавноста од Источниот плански регион и општините вклучени во него (Берово, Чешиново-Облешево, Делчево, Карбинци, Кочани, Македонска Каменица, Пехчево, Пробиштип, Штип, Виница, Зрновци) како и јавноста од Свети Николе, дека во рамките на проектот „Подготовка на Планови за управување со отпад и Стратешки оцени на животната средина за Источниот и Североисточниот регион“ (EuropeAid/130400/D/SER/MK), финансиран од Европската Унија преку Инструментот за претпристапна помош (ИПА), подготвен е Нацрт Регионален план за управување со отпадот во Североисточниот плански регион и Извештај за Стратешка оцена на животната средина од спроведување на Планот. Подготвениот Нацрт Извештај за стратешка оцена на животната средина и Резимето од Планот се достапни на веб-страниците на веб-страниците на Источниот плански регион и општините, кои му припаѓаат, а печатена верзија е достапна во соодветните канцеларии.

Во согласност со законските барања, а со цел да се постигне поголема транспарентност и вклученост на јавноста, Меѓуопштинскиот одбор за управување со отпад во Источниот плански регион организира јавна расправа по Нацрт Извештајот за стратешка оцена на животната средина во општините Делчево, Кочани и Штип, по следниот редослед:

За засегнатата јавност од општините Делчево, Македонска Каменица, Берово и Пехчево, јавната расправа ќе се одржи во општина Делчево на ден 17.06.2014 во 14.00 часот во просториите на „Сала за состаноци општина Делчево“.

За јавност од општините Кочани, Виница, Зрновци, јавната расправа ќе се одржи во општина Кочани на ден 18.06.2014 во 14.00 часот во просториите „Сала за совет на општина Кочани“.

За засегнатата јавност од општините Штип, Пробиштип, Чешиново-Облешево, Карбинци, Свети Николе, јавната расправа ќе се одржи во општина Штип на ден 19.06.2014 во 10.00 часот во просториите на „Големата сала на советот на општина Штип“.

 

За секаква дополнителна информација, освен во вашите општини, можете да се обратите и во проектната канцеларија

тел: 2773487
Ирена Апостолова        070 531 363         Оваа е-адреса е заштитена од спамботови. Треба да ви е овозможено JavaScript за да ја видите.
Горјан Темелковски     071 340 298         Оваа е-адреса е заштитена од спамботови. Треба да ви е овозможено JavaScript за да ја видите.