На ден 25 мај 2017 година на терените на ОУ "Раде Кратовче" во Општина Кочани се оддржа велосипедско родео во организација на Здружението за заштита и унапредување на животната средина и промовирање на концептот "Еко-Логик" од Скопје,

Во рамките на проектот “Зелени згради за заедничка зелена иднина-ГРЕЕН” се започна со реализација на главната активност од проектот, Градежни  работи на административната зграда на Општина Кочани и промена на нејзината енергетска ефикасност од класа  D во класа B.

За таа цел на 17^ти Мај 2017 година (среда) во Општина Кочани, претставници од Центарот за развој на Источен плански регион како носител на проектот и Општина Кочани како партнер во проектот оддржаа координативен состанок со избраниот Изведувач на градежните работи компанијата  “Анoл Импекс” - Скопје и фирмата одговорна за вршење на стручен надзорот над објектот „Студио Атриум“ - Штип.

Центарот за развој на Источен плански регион во соработка со Центарот за обука на Секретаријатот за европски прашања (СЕП), при Секторот за координација на Европски фондови и друга странска помош во СЕП во рамките на твининг проект, на ден 18-ти Мај 2017 година (четврток), во  хотел Изгрев во општина Штип организираа еднодневна обука на тема: „Јакнење на капацитетите за ЕУ“.

Приватното средно училиште ”САБА“ – Средношколска академија за бизнис и администрација во соработка со Центарот за развој на Источен плански регион во НУ - УБиблиотека ”Гоце Делчев” – Штип на  24.04.2017 година (понеделник), ја реализираа презентацијата на учениците од ПСУ ”САБА“ кои две недели беа на пракса  во Германија, Португалија, Италија и Шпанија.

На 7 април 2017 година, во Бизнис салата за состаноци на Скопски саем во Скопје на покана на Министерот за Животна средина и просторно планирање г-дин Башким Амети, се одржа координативна работна средба со градоначалниците од Источниот и Североисточниот регион како и претставници од Центрите за развој на Источен и Североисточен плански регион.

Центрите за развој на планските региони земаа учество на четвртиот Координативен состанок на Министерството за локална самоуправа (МЛС) и Програмата за развој на Обединетите нации (УНДП), оддржан на 06-ти април 2017 година (четврток) во големата конференциска сала во канцеларијата на УНДП во Скопје.

На 03^ти Април 2017 година (Понеделник), Обласната Администрација Благоевград, Бугарија и Центарот за развој на Источен плански регион, Штип, Македонија во Благоевград оддржаа заедничка прес конференција за промоција на проектот “Зелени згради за заедничка зелена иднина - ГРЕЕН” финансиран од Првиот повик на ИНТЕРРЕГ - ИПА програмата за прекугранична соработка Бугарија – Македонија 2014-2020.

Центарот за развој на Источен плански регион во соработка со Фондот за иновации и технолошки развој организираа инфо сесија за четвртиот повик за инструментите: Кофинансирани грантови за новоосновани трговски друштва старт-ап, спин- оф  и Кофинансирани грантови и условени заеми за комерцијализација на иновации. Настанот се оддржа на 14-ти март, 2017 година, во салата на општина  Штип со цел појаснување на начинот на аплицирање за отворениот повик.

На 28 февруари 2017 година, Центарот за развој на Источен плански регион и Обласната Админинстрација Благоевград оддржаа Прва Прес конференција за промоција на проектот “Зелени згради за заедничка зелена иднина-ГРЕЕН”CB006.1.11.038, финансиран од Првиот повик на Интеррег - ИПА програмата за прекугранична соработка Бугарија – Македонија 2014-2020.

Центарат за развој на Источен плански регион – Штип, како водечки партнер во Проектот „Зелени згради за заедничка зелена иднина-ГРЕЕН“ на Првата Прес конференција ги промовираа активностите во рамки на проектот пред предствавници од општините во состав на двата региони, медиумите и останати заинтересирани страни од прекуграничниот регион.