На 23 декември 2019 година во ОЈУДГ Астибо Штип се одржа свечена промоција на Проектот: Здрави деца – сигурна иднина. Проектот е финансиран од страна на Швајцарска амбасада и Министерство за локална самоуправа,а е имплементиран од страна на Центарот за развој на Источниот плански регион во соработка со ОЈУДГ Астибо - Штип. Примарна цел на проектот е подобра интеграција на децата со потешкотии во развојот од ИПР во образовниот систем и општеството.
Истовремено, со опремувањето на овие мулти сензорните соби ОЈУДГ Астибо – Штип, Дневен центар - Делчево и ОУ Малина Поп Иванова - Кочани и обуката на стручниот персоналот кој работи со децата, ќе овозможи потикнување и делување на сите сетила кај децата со потешкотии во развојот и нивна полесна интеграција во образовниот систем и општеството, а понатаму и пазарот на трудот на овие деца.
