Од 03.12.2014 година, Центарот за развој на Источен плански регион започна со реализација на проектот  “Грантова шема за поддршка на Источниот регион”, проект финансиран од ГИЗ РЕД Програмата за регионален економски развој во Македонија со Финансискиот Договор бр. 83160868.

На 21.03.2014 година Проектниот тим на проектот PPP4Broadbend реализираше работна средби со Градоначалникот на општина Македонска Каменица г-дин Дарко Митевски. Проектот PPP4Broadbend е финансиран од транснационалната програма за Југоисточна Европа, каде Центарот за развој на Источен плански регион и Центарот за Знаење од Р. Македонија  се јавуваат како партнери помеѓу останатите 10 партнерски институции/организации ширум Југоисточна Европа. 

На 18-ти Март, 2014 година, во хотел “Неврокоп”, општина Гоце Делчев, Р. Бугарија, се одржа првата Прес-конференција за проектот „Вмрежување на мултимедијални центри во прекуграничниот регион - CREATIVA“.

Цел на оваа Прес-конференција беше информирање на јавноста и целните групи со проектот „Вмрежување на мултимедијални центри во прекуграничниот регион“ и активностите кои ќе бидат превземени како дел од иститот како и резултатите кои ќе бидат остварени.

Центарат за развој на Источен плански регион – Штип, Република Македонија, заедно со Општинскиот културен центар „Петко Рачав Славејков -1938“ с. Брезница, општина Гоце Делчев од Република Бугарија, на III (третиот) повик од IPA Програмата за прекугранична сорботка помеѓу Република Бугарија - Република Македонија CCINUMBER2007CB16IPO007 го добија Проектот „Вмрежување на мултимедијални центри во прекуграничниот регион“ – КРЕАТИВА.

На 18, 19 и 20-ти Февруари 2014 година во Габрово, Р Бугарија се спроведе четвртата работна средба од Проектот PPP4BROADBEND. На средбата учествуваа претставници на партнерските организации од Бугарија, Србија, Грција, Унгарија, Словенија, Словачка, Романија, Австрија и Македонија. Партнер во проектот од македонска страна е Центарот за развој на Источен плански регион и Центар за знаење, организација од Скопје.

Согласно Договорот за реализација на проекти во Источниот плански регион во 2014 година, Центарот за развој на Источен плански регион на 21 февруари 2014 година (петок) го потпиша Договорот со општина Виница за заедничка реализација на проектот, “Промоција  на богатството на разликите и зачувување на културно-историското наследство во функција на регионалниот развој”. Договорот се потпиша од страна на Раководителот на Центарот за развој на Источен плански регион, Г-ѓа Драгица Здравева и Градоначалникот на општина Виница, Г-дин Емил Дончев.

Центарот за развој на Источен плански регион на 19 и 20 февруари 2014 година во општина Гоце Делчев Р. Бугарија одржа  првата работна средба од проектот “Вмрежување на мултимедијални центри во прекуграничниот регион”.