 |
 |
 |
.jpg)
Во насока на зајакнување на претприемничката мисла и претприемничките дела кај жителите на Источниот плански регион, особено кај младите лица, на 28-ми Април, 2016 година се имплементираше настан посветен на Глобалната недела на претприемништвото. На истиот учество зедоа 40тина млади лица, тековни и потенцијални претприемачи од Источниот плански регион.
Центарот за развој на Источен плански регион континуирано работи на покренување на претприемничкиот дух помеѓу младите лица, жители на 11те општини во регионот. Со цел зајакнување на претприемачките вештини на младите лица помеѓу 18 и 35 години, Центарот за развој на Источниот плански регион и регионалниот Бизнис Центар при ЦРИПР, во соработка со Gestalt Solutions Штип, ја започнаа и втората Школа за иновации и претприемништво која се одржува во општина Кочани во периодот помеѓу 30ти Март и 03ти Април 2016.
локација: Кочани, хотел „Але-Дар“
датум: 30 март - 03 април, 2016
Центарот за развој на Источен плански регион преку проектот „Формирање на Бизнис Центар за поддршка и консултативни услуги за мали и средни претпријатија во Источен плански регион“ воспостави Бизнис Центар за поддршка и консултативни услуги за мали и средни претпријатија во Источен плански регион. Проектот се спроведува со техничка и финансиска поддршка на Министерството за локална самоуправа и Програмата за развој на Обединетите нации (UNDP).
Воспоставениот Бизнис Центар има за цел зголемување на конкурентноста на регионот преку поддршка на малите и средните претпријатија и претприемништвото, што воедно е нотирано како стратешки приоритет во Програмата за развој на Источниот плански регион (2015-2019). Во таа насока е и имплементацијата на 2 петдневни Школи за иновации и претприемништво за 50 учесници - жители на Источниот плански регион, кои ќе бидат имплементирани од страна на Центарот за развој на Источен плански регион и Гешталт Солушнс д.о.о., Штип.
Во насока на зајакнување на претприемничката мисла и претприемничките дела кај жителите на Источниот плански регион, особено кај младите лица, во периодот од 14 - 18 Март 2016 година во Делчево се оддржа првата од двете предвидени Школи за иновации и претприемништво.
Следејќи ја идеја и визијата да им се овозможи на младите, талентирани и амбициозни луѓе од регионот да ги надградат и усовршат своите вештини, да ја развиваат својата креативност и претприемачки способности, Центарот за развој на Источниот плански регион и регионалниот Бизнис Центар при ЦРИПР во соработка со Gestalt Solutions Штип, обезбедија услови во кои преку предавања, симулации, реални примери, илустрации, практични вежби и обука, учесниците се запознаа со практичните аспекти на водењето бизнис, претприемништвото и иновациите.